محدش ينفع

محدش بينفع حد محدش خايف علي حد
كل الناس عايزه تاخد ومحدش بيدي لحد
مفيش حد قلبه عليك مفيش حد حاسس بيك
واللي بيحبك قدامك من وراك بيجرح فيك
واحد ورا واحد بيبان واللي مبيخنش بيتخان
ليه بقي كله خايف من كله ومحدش حاسس بأمان
الناس كلها جايه عليك واللي تقف جنبه بيأذيك
واللي تعيش له وبتخلص له بيخلص بايده عليك
اللي تعيش علشان تديله طلعوا بياخدوا ومبيدوش
واللي بايديك بتعليهم لما عليوا اتقلبوا وحوش
واللي بحضنك بطمنهم وهما في حضنك جرحوك
واللي علي نفسك مأمنهم اكتر ناس هما اللي باعوك
شايل في قلبي جراح تكفي الكون ده كله
واللي حصلي مفيش واحد في الكون حصل له
لو حد حس بجرح قلبي مكنش عاش
معرفش ليه الكل متفقين عليا مبقتش مستحمل من الجرح اللي فيا
انا نفسي اعيش الدنيا اصلي معشتهاش
واحد ورا واحد بيبان واللي مبيخنش بيتخان
ليه بقي كله خايف من كله ومحدش حاسس بامان
عمال اقابل طول منا عايش اتجرح واتخان من ناس
من كتر الجرح بقيت عايش اسم وصوره وصوت وخلاص
حتي لما بغمض عيني بحلم برضه ان انا مجروح
امتي هتخلص دمعه عيني ؟ ماهو كله بيخلص ويروح